भाबडे आभाळ, पावसाचा नळ,
वाळवणाची ओली खोळ,
नुसतीच पळापळ!
भाबडा वारा, सोसाट्याच्या फराफरा,
कपडे हवेत नाचले,
पळाले सैरावैरा!
भाबडी शांतता, शब्दवाचा गायब होता,
मन भीतीने गारठता,
निःशब्द, भयचकित!
भाबडी भक्ती, नियमित जपजाप,
कुंडलिनी जागृत,
सिद्धीसाकार!
भाबडे काहूर, नेमकी जाणीव,
ज्ञानेंद्रियांना कल्लोळ,
कल्पनांचा!
प्रकाशाची अक्षरे, वाचता न कळे,
कोठून येणे, कोठेची जाणे,
प्रवासी पक्षी!
- समीर
द्रष्टा होऊन राहणे.छान लिहिलय.
ReplyDelete